12 dek 21:48
Yangiliklar

Boks/MMA

Rasman. Qudratillo Abduqahhorov 15 dekabr kuni Meksikada jang qiladi, raqib malum

Super yarim o'rta vazn toifasida jang o'tkazuvchi o'zbekistonlik professional bokschi Qudratillo Abduqahhorovning navbatdagi jangi elon qilindi.

31 yoshli charm-qo'lqop ustasi 15 dekabr tongida Meksikaning Tixuana shahrida o'tkaziladigan professional boks oqshomi doirasida ringga ko'tariladi.

Abduqahhorovga o'sha kuni meksikalik tajribali Xorxe Garsiya Peres raqiblik qiladi. Jang oqshomning ikkinchi asosiy bellashuvi (co main event) bo'ladi.

Tixuanadagi boks oqshomining markaziy jangi meksikalik Xayme Mungiya va Franciya vakili Bruno Syureys o'rtasida kechadi.

Malumot o'rnida, Qudratillo Abduqahhorov (20-3-0) so'nggi jangini may oyida greciyalik Andreas Katzurakisga qarshi o'tkazib, ochkolar hisobiga ko'ra mag'lub bo'lgandi. 27 yoshli Garsiya Peres faoliyati davomida 35 ta jang o'tkazib, 31 ta g'alaba, 4 ta mag'lubiyat qayd etgan.