Rasman! Sobiq UFC chempioni Deyvison Figeyreduning jangi ham tasdiqlandi + POSTER

Avval xabar berganimizdek, braziliyalik aralash yakkakurash ustasi ekvadorlik Marlon Veraga qarshi oktagonga chiqadi. Ushbu jang 3 avgust kuni BAA poytaxti Abu-Dabi shahrida tashkil etiladigan UFC Fight Night turniri doirasida bo'lib o'tadi. Bu xabarni shaxsan UFC rahbari Dana Uayt tasdiqladi. 

Eslatib o'tamiz, Figeyredu hisobida 23 g'alaba, 3 mag'lubiyat va 1 durang bor. U so'nggi jangini yubiley UFC 300 turniri doirasida Kodi Garbrandtga qarshi o'tkazib, raqibini bo'g'ish usuli evaziga mag'lubiyatga uchratgandi. Ayni paytda Deyvison 2 ta g'alabali seriya bilan kelmoqda. 

O'z o'rnida Marlon Vera so'nggi jangini chempion SHon O'Melliga qarshi o'tkazib, raqibiga imkoniyatni boy berib qo'ygandi. Bu SHon uchun revansh maqomidagi jang edi. Ularning ilk jangida Marlon g'alaba qozongan edi. Veraning MMAdagi rekordi - 21 g'alaba, 9 mag'lubiyat va 1 durang.