12 okt 23:43
Yangiliklar

Boks/MMA

Rasman! UFC SHavkat Rahmonovning navbatdagi raqibi va jang sanasini elon qildi. U nihoyat o'z maqsadiga erishdi

Qozog'istonlik aralash yakka kurash ustasi, yarim o'rta vazn toifasida UFC kamari uchun davogar SHavkat Rahmonovning navbatdagi jangi rasman elon qilindi.

U 8 dekabr kuni Las-Vegasda bo'lib o'tadigan UFC 310 turniri doirasida oktagonga ko'tariladi.

Ahamiyatlisi, SHavkat musobaqada yarim o'rta vazn chempioni, amerikalik Belal Muhammad bilan jang qiladi. Bu Belal uchun chempionlikdan keyingi ilk himoya jangi bo'ladi.

Malumot uchun, 36 yoshli Belal Muhammadning hisobida 24 ta g'alaba va 3 ta mag'lubiyat bor. U so'nggi oltita jangida faqatgina g'alaba qayd etmoqda.

29 yoshli SHavkat Rahmonov esa hozirga qadar 18 ta jang o'tkazib, ularning barchasida muddatidan oldin zafar quchgan.