21 okt 15:20
Yangiliklar

Futbol

Rasmiy xabar: O'zbekiston terma jamoasi 9 noyabrda Qirg'iziston bilan o'ynaydi

Bir necha kun avval saytimizda O'zbekiston terma jamoasi noyabr oyida Toshkentda Qirg'iziston bilan o'rtoqlik uchrashuvi o'tkazishi haqida xabar chiqqandi.

Buni Qirg'iziston terma jamoasi bosh murabbiyi Aleksandr Krestinin ham tasdiqlagan edi. Bugun O'FA ushbu uchrashuv o'tkazilishi borasida rasman xabar berdi:

"O'zbekiston milliy terma jamoasi 9 noyabr Toshkentda Qirg'iziston milliy termasiga qarshi o'rtoqlik uchrashuvi o'tkazadi. Mazkur o'yin "Paxtakor" stadionida tashkil etiladi", - deb yozadi O'FA matbuot xizmati.

O'ZBEKISTON - QIRG'IZISTON
"Paxtakor" stadioni. 17:00

Eslatib o'tamiz, noyabrda FIFA kunlari doirasida O'zbekiston terma jamoasi Toshkentda ikkita rasmiy o'yin o'tkazadi. Saralash bosqichi doirasida dastlab 14 noyabr kuni Saudiya Arabistoni mehmon bo'lsa, keyinchalik 19 noyabr kuni Falastinga qarshi o'yin orqali ikkinchi davraga start beriladi.

Ayni paytda terma jamoamiz JCH-2022 hamda OK-2023 qo'shma saralash bosqichining "D" guruhida 4-turdan keyin 6 ochko jamg'argan holda peshqadamlik qilmoqda.