"Real" Laportga qiziqmoqda, ammo "Al Nassr"ga pul to'lashni xohlamayapti

"Al Nassr" himoyachisi agentidan ketishni xohlayotgani haqida Saudiya klubini ogoh qilishni so'radi.

30 yoshli futbolchiga "Real" qiziqmoqda. Madrid klubi mudofaa chizig'ini kuchaytirish uchun noaniq qadamlarni tashlamaydi, ammo yaxshi imkoniyatdan foydalanishni ham istisno etmaydi.

Laportning o'zi "qaymoqranglilar"ga qo'shilishni juda xohlamoqda. Jamoa bosh murabbiyi Karlo Anchelotti o'yinchi bilan shartnoma imzolashga roziligini bildirdi.

Muammo shundaki, "Real" transfer uchun pul to'lashni xohlamayapti. Agar Emerik hozirgi jamoasidan ketishga qaror qilsa, shartnomani bekor qilish bo'yicha kelishuvga erishishiga to'g'ri keladi.

Himoyachi Saudiya Arabistonida yiliga 24 million evro ishlamoqda. U "Real"ga o'tish uchun maoshining pasayishiga rozi.