"Real" "Liverpul" yarim himoya chizig'i etakchilaridan biriga qiziqish bildirmoqda

Argentinalik futbolchi "qaymoqranglilar" tarkibida o'z sifatlari bilan jamoaga mos keladi deb hisoblashmoqda. Ayni paytda "Real" Mak Allisterning ehtimoliy transferi maqsadga muvofiqligini o'rganmoqda. Avvalroq, yarim himoyachi bir kun kelib La Ligada o'ynashni istashini tan olgandi.

Mak Allister joriy mavsum barcha musobaqalarda 44 ta o'yinda maydonga tushib, 6 ta gol va 4 ta golli uzatmaga mualliflik qildi. Futbolchining klub bilan amaldagi mehnat shartnomasi 2028 yilning yoziga qadar mo'ljallangan. Transfermarkt portalida keltirilgan malumotlarga ko'ra, futbolchining bozor narxi 90 mln evroni tashkil etadi.