“Real” Zidan qo'l ostida ilk mag'lubiyatini qarshi oldi

“Mestalya” stadionida kechgan o'yinda maydon egalari 2:1 hisobida zafar quchishdi. Uchrashuvning 35-daqiqasida Gonsalu Guedesh yaqin burchakni aniq nishonga olib hisobni ochgan bo'lsa, 83-daqiqada Esekel Garay burchakdan uzatilgan to'pni boshi bilan Navas qo'riqlayotgan darvoza to'riga yo'lladi - 2:0. 

O'yinning hakam tomonidan qo'shib berilgan daqiqalarining so'nggi soniyalarida Karim Benzema oradagi farqni qisqartirdi - 2:1.

Ushbu g'alabadan keyin “Valensiya” 46 ochko bilan turnir jadvalining 5-pog'onasiga ko'tarildi. “Real” esa 57 ochko bilan 3-pog'onada bormoqda. Turnir jadvalida esa ayni paytda “Barselona” peshqadamlik qilmoqda.