"Real"ning jarohat olgan futbolchilari safga qaytmoqda

Terma jamoalar o'yinlari tufayli klublarda tanaffus yuzaga keldi. Ammo madridliklar dam olish haqida o'ylamayapti. 

CHorshanba kuni bo'lib o'tgan mashg'ulotda terma jamoalarga chaqirilmaganlar va "Kastilya"ning bir necha vakili ishtirok etdi. 

Jamoaga befarq bo'lmaganlar uchun Marselo, Teo Ernandes va Karim Benzemaning umumiy guruhga qaytgani chinakamiga xushxabar bo'ldi. Ammo braziliyalik mashg'ulotning faqatgina birinchi qismini o'tkazdi va maydonni tark etdi, uning franciyalik jamoadoshlari esa qolganlar bilan shug'ullanishni davom ettirishdi. 

Daniel Karvaxal, Mateo Kovachich va Garet Beyl hamon tiklanish jarayonini o'tkazmoqda.