"Real"ning yozdagi asosiy transfer maqsadlari malum

PSJ hujumchisi Kilian Mbappe, shuningdek, himoyachilar Alfonso Devis ("Bavariya") va Leni Yoro ("Lill") "Real"ning yozdagi asosiy transfer maqsadlari sanaladi. Bu haqda AS xabar bermoqda.

Mbappe katta ehtimol bilan "Real"ga erkin agent sifatida o'tadi. "Bavariya" Devis uchun 50 million evro talab qilmoqda, "qaymoqranglilar" esa buncha pul to'lamoqchi emas. SHu bilan birga, myunxenliklar agar futbolchi shartnomasini uzaytirmasa, uni sotishga majbur bo'lishadi.

"Lill" Yoroni 60 million evroga baholamoqda. Unga "CHelsi", PSJ va "Bavariya" ham davogarlik qilmoqda. "Qirollik klubi" bu futbolchini qo'lga kiritish uchun favorit sanaladi.