Regbi-7 bo'yicha O'zbekiston chempionati yakunlandi

Turnir yakuniga ko'ra g'oliblar aniqlab olindi. Regbini hududlarda ommalashtirish maqsadida mamlakat regbi federaciyasi musobaqaning 2-turini Farg'onada o'tkazishga qaror qildi.

Ochilish marosimida Farg'ona viloyati hokimi o'rinbosari F.Qosimov, Asia Rugby xalqaro tashkiloti vakili (Osiyoda regbi rivoji bo'yicha maslahatchi) Benjamin van Royen, shuningdek boshqa tegishli tashkilotlar vakillari ishtirok etishdi.

Musobaqada erkak va ayollardan iborat 20 jamoa tarkibida 400 nafar sportchi ishtirok etishdi. CHempionat yakunlariga ko'ra erkaklar o'rtasida O'zbekiston Milliy universitetining “Universitet”, ayollar o'rtasida Toshkentning «Turkiston silovsini» jamoasi chempion bo'ldi.