Regbi federaciyasi O'zMU bilan hamkorlik memorandumini imzoladi

O'zbekiston regbi federaciyasi va uning hududiy bo'linmalari tashkil etildi hamda faoliyat ko'rsatmoqda, regbi bo'yicha O'zbekiston milliy terma jamoasi nufuzli xalqaro musobaqalarda («Asian Olympic Pre-Qualifier», «Asian 7ʼs») munosib ishtirok etib kelmoqda, terma jamoamiz Osiyo mintaqasida kuchli sakkizlikka kiradi.

SHu bilan birga, moddiy-texnik baza va infratuzilmaning etarli emasligi, regbi bo'yicha mutaxassislarni tayyorlash, qayta tayyorlash va malakasini oshirishning uyg'un tizimi yaratilmaganligi sohaning yanada rivojlanishi hamda O'zbekiston milliy terma jamoasining nufuzli xalqaro musobaqalarda munosib ishtirokini taminlashga to'sqinlik qilmoqda.

Regbini yanada rivojlantirish, uni respublika aholisining keng qatlami orasida ommalashtirish, yuqori sifatli o'quv-mashq jarayonini taminlash, regbichilar, trenerlar va hakamlarning mahorati va malakasini doimiy oshirib borish uchun qulay shart-sharoitlar yaratish, shuningdek, regbichi-sportchilarni tayyorlash uchun moddiy-texnik bazani mustahkamlash maqsadida O'zbekiston Respublikasi Prezidentining 2019 yil 29 oktyabrdagi «O'zbekiston Respublikasida regbi sport turini rivojlantirish chora-tadbirlari to'g'risida»gi qarori imzolandi.

Unda iqtidorli sportchilarni tanlab olish (selekciya) ishlarining samaradorligini oshirish va regbi bo'yicha o'quv-mashq jarayonini sifatli tashkil etish, regbi sportini ommalashtirish, yoshlarni sport klublari, sekciyalar va to'garaklarga faol jalb qilish, ulardan keng foydalanish imkoniyatini taminlash, trenerlar, hakamlar va regbi bo'yicha boshqa mutaxassislarni tayyorlash tizimini takomillashtirish, regbi bo'yicha O'zbekiston milliy terma jamoasining nufuzli xalqaro musobaqalarda ishtirok etishi uchun uning sifatli va samarali tayyorgarligini taminlash, xalqaro musobaqalarning g'oliblari va sovrindorlarini rag'batlantirish, shuningdek, trenerlar, hakamlar va regbi bo'yicha boshqa mutaxassislarni ijtimoiy va moddiy qo'llab-quvvatlashni kuchaytirish, regbining moddiy-texnik bazasini mustahkamlash va infratuzilmasini takomillashtirish belgilab berilgan.

Aytish joizki, ushbu sport turi yurtimizga kirib kelganiga ko'p bo'lgani yo'q. Ayni paytda regbini yurtimizda ommalashtirish bo'yicha keng ko'lamli ishlar olib borilmoqda. Biroq, Prezident qarori bilan mamlakatimizda regbini rivojlantirishning huquqiy asosi yaratib qo'yilgan bo'lsada, amalda bajarilayotgan ishlarni qoniqarli, deb bo'lmaydi.

SHu manoda Qaror ijrosini birinchilardan bo'lib taminlashga kirishgan O'zbekiston milliy universiteti rektori Avazjon Marahimov tomonidan olib borilgan say-xarakatlar natijasida 2020/2021 o'quv yilidan boshlab O'zMUning Taekvondo va sport faoliyati fakultetida regbi sporti bo'yicha bakalavriat talim yo'nalishiga 45 nafar talaba qabul qilindi.

Olib borilgan ishlarni yanada kuchaytirish va tizimli ishlarni yo'lga qo'yish maqsadida, shuningdek, universitet hayotidagi boshlanayotgan yangi tarixiy qadamga rasmiy maqom berish uchun O'zbekiston Milliy universitetiga O'zbekiston Respublikasi Oliy Majlisi Senati raisining birinchi o'rinbosari, O'zbekiston Regbi federaciyasi prezidenti Sodiq Safoev, O'zbekiston Regbi federaciyasi bosh kotibi Qaxramon Jalilov, O'zbekiston Regbi terma jamoasi bosh murabbiyi Danil Kulikovlar tashrif buyurdi.

Mehmonlarni universitet rahbariyati bilan birgalikda fakultetda tahsil olayotgan talabalar: sport turlari bo'yicha 11 nafar jahon chempioni, 100ga yaqin Osiyo va Xalqaro musobaqalar g'oliblari kutib olishdi. CHinakam sport bayramiga aylanib ketgan va qariyb ikki soat davom etgan qizg'in bahs-munozara, taklif va mulohazalarga boy bo'lgan «Yoshlar va sport» ochiq muloqoti yakunida O'zbekiston Regbi federaciyasi prezidenti Sodiq Safoev tomonidan talaba-yoshlar bilan uchrashuv sovg'asi sifatida universitet Axborot-resurs markaziga kitoblar jamlanmasi taqdim etildi.

Tadbir yakunida talaba-yoshlar davrasida O'zMU hamda O'zbekiston Regbi federaciyasi o'rtasida mamlakatimizda ayollar Regbisini rivojlantirish, respublikamizning chekka hududlaridagi xotin-qizlar orasidan sportga iqtidori va qiziqishi borlarini topish, ularni tarbiyalash va kelajakda O'zbekiston nomidan Jahon chempionatlari, Olimpiada o'yinlariga tayyorlash to'g'risida hamkorlik memorandumi imzolandi.