28 apr 09:53
Yangiliklar
Futbol
“Renn” 48 yildan so'ng yana Franciya Kubogi sohibi!
“Stad de Frans” stadionida o'tgan Franciya kubogining final bellashuvida kutilmaganda “Renn” futbolchilari sovrinni o'zlari bilan olib ketishdi.
Uchrashuvning 13-daqiqasida PSJ himoyachisi Dani Alves hisobni ochdi. Taym o'rtalarida Neymar oradagi farqni oshirdi. 40-daqiqada PSJ himoyachisi Kimpembe o'z darvozasini ishg'ol etdi. Ikkinchi bo'lim o'rtasida “Renn” himoyachisi Mesher muvozanatni tikladi - 2:2.
Uchrashuvning asosiy va qo'shimcha vaqtlarida darvozalarga boshqa to'p kiritilmadi. 118-daqiqada parijliklar forvardi Kilian Mbappe maydondan chetlatildi. Penaltilar seriyasida esa omad “Renn” futbolchilari tomonida bo'ldi - 6:5.
“Renn” o'z tarixida uchinchi bor Franciya kubogini qo'lga kiritdi. Bungacha ular 1965 va 1971 yillarda ushbu sovrinni qo'lga kiritishgan. Kubokni qo'lga kiritish borasida mutlaq rekordsmen PSJ (12 marta) hisoblanadi.
Havola :
Fikrlar