22 iyu 10:33
Yangiliklar

Tennis

Ribakina - Bucharest Open g'olibasi!

Ruminiya poytaxti Buxarest shahrida tennis bo'yicha WTA turniri yakuniga etdi.

BRD Bucharest Open musobaqasida dunyo reytingida 106-o'rinni egallab turgan qozog'istonlik Elena Ribakina bosh sovrin sohibasiga aylandi. Ribakina 1 soatu 5 daqiqa davom etgan bahsda ruminiyalik Patriciya Mariya Tigni 6:2, 6:0 hisobida engdi.

Mariya Tig WTA reytingida 836-pog'onadan joy olgan. Bu tennischilarning o'zaro ilk uchrashuvi edi. Ribakina Buxarestda faoliyatidagi ilk sovrinini qo'lga kiritdi. Ruminiyadagi muvaffaqiyatli ishtirok Elenaga 43 000 dollar mukofot puli hamda 280 reyting ochkosini keltirdi.