17 may 14:48
Yangiliklar

Tennis

Rim "Masters". Xubert Gurkach yarim final ostonasida to'xtatildi

Dunyoning to'qqizinchi raketkasi Xubert Gurkach Rim "Masters" turniridagi ishtirokini yakunladi.

Polshalik tennischi 2 soatu 44 daqiqa davom etgan 1/4 final bahsida ATP reytingida 16-pog'onadan joy olgan amerikalik Tommi Polga imkoniyatni boy berib qo'ydi - 5/7, 6/3, 3/6. Pol tennischilarning o'zaro uchrashuvlarida hisobda oldinga chiqib oldi - 2:1.

Gurkach uchrashuv davomida 8, Pol esa 3 ta eys zarbasini amalga oshirgan. Qo'shxatolar Tommida ko'proq bo'ldi - 5 ga 1. Breyklar bo'yicha ham ustunlik okean orti vakili tomonda bo'ldi - 7 ga 6! 26 yoshli Tommi 1/2 finalda chililik Nikolas Xarriga qarshi kortga chiqadi.