Rio-2016. 13-kun. O'zbekistonlik sportchilarning bugungi ishtiroklari yakunlandi

23:35 SHu tariqa sportchilarimizning bugungi ishtiroklari yakunlandi. Ertaga esa bizni yanada qiziqarli kun kutib turibdi. Olimpiadaning 14-kunida taekvondochi va erkin kurashchilarimiz ham katta sahnaga chiqishlari kutilmoqda. SHuningdek, ikki bokschimiz final yo'llanmasi uchun jang qiladi. To'liq ro'yxat odatdagidek ertaga roppa-rosa 06:00 da elon qilinadi. Hozircha esa barchaga xayrli tun!

23:20. G'ALABA! BEKTEMIR MELIQO'ZIEV FINALGA CHIQDI!

23:16. Hamyurtimiz ikkinchi raundni ham o'z foydasiga hal qildi. Ajoyib!

23:12. Birinchi raundda Bektemir g'alaba qozondi! Yaxshi!

23:08. Jang boshlandi! Kettik!

23:05. Diqqat qiling! Ringga 75 kg li bokschimiz Bektemir Meliqo'ziev chiqib kelmoqda! Omad Bektemir! Biz senga ishonamiz!

23:00. Birozdan so'ng Bektemir Meliqo'ziev meksikalik raqibiga qarshi jang qiladi. Oz vaqt qoldi. 5 daqiqa!

22:47. Afsuski, hamyurtimiz bu jangda mag'lubiyatga uchradi va Olimpiadaning bronza medali bilan kifoyalandi.

22:44. Ikkinchi raundda ham imkoniyat boy berildi...

22:39. Birinchi raund raqib foydasiga hal bo'ldi...

23:35. Hamyurtimizning jang boshlandi!

22:00. Murodjon Ahmadalievga esa kubalik Robiesi Ramires raqiblik qilishini siz juda yaxshi bilasiz.

21:55. 56 kg vazn toifasida yarim finalning ikkinchi juftligida esa rossiyalik Vladimir Nikitin hamda AQSHlik SHakur Stevensonlar jang o'tkazadilar.

21:35. KAKAning jangi boshlanishiga bir soatdan oshiqroq vaqt qoldi

19:45. Yana 3 soatdan so'ng hamyurtimiz Murodjon Ahmadaliev final yo'llanmasi uchun kubalik bokschiga qarshi jang qiladi.

19:40. Nadiya Dusanova esa 1.92 natija bilan saralash bosqichida qolib ketdi.

19:30. Radzivil 21 avgust kuni tongda finalda chiqish qiladi.

19:20. Dusanova ham finalga chiqishi uchun 1.94 metrga sakrashi lozim bo'ladi. Hozircha uning natijasi 1.92.

19:15. Hozircha bexato ishtirok etayotgan Svetlana Radzivil 1.94 metrga ham sakradi va final yo'llanmasini qo'lga kiritdi.

18:55. Dusanova uchta urinishdan so'ng 1.89, Radzivil esa 1.92 natijani qayd etmoqda.

18:13. Hozircha ikkala sportchimiz ham qolgan raqiblari singari birinchi urinishdan so'ng 1.80 metrga sakrashdi.

17:57. Nadiya Dusanova A guruhida, Radzivil esa B guruhida o'z imkoniyatlarini sinovdan o'tkazadi.

17:50. Yana 10 daqiqadan so'ng engil atletikachilarimiz ishtirok etishlari lozim bo'lgan balandlikka sakrash bahslari boshlanadi.

17:42. Leonid Andreev ko'pkurash bahslarida ishtirok etmayapti.

17:30. Sportga oid so'nggi xabarlarni Telegrammda @Olamsport kanalida kuzatib borishingiz mumkin bo'ladi.

17:03. Svetlana Radzivil va Nadiya Dusanovalar balandlikka sakrash bahslarida o'z omadlarini sinab ko'radilar.

17:00. Leonid Andreev bugun ko'pkurashdagi yurishini davom ettirishi lozim. Kecha u jarohat olgandi. Agar u jarohatidan qutila olgan bo'lsa bugun chiqishlarini davom ettiradi. Aks holda Andreev uchun Olimpiada yakunlanadi.

16:55. Bugun quyidagi sportchilarimiz Olimpiadada O'zbekiston sharafini himoya qiladilar:

Leonid Andreev - (Engil atletika, ko'pkurash) - 17:30dan boshlab

Nadiya Dusanova - (Engil atletika, balandlikka sakrash, saralash) - 18:00

Svetlana Radzivil - (Engil atletika, balandlikka sakrash, saralash) - 18:00

Murodjon Ahmadaliev - (Boks, yarim final) - 22:45

Bektemir Meliqo'ziev - (Boks, yarim final) - 23:15

16:50. Assalomu alaykum hurmatli sport ishqibozlari. O'zbek sportchilarining Rio Olimpiadasidagi ishtiroklaridan onlayn malumotlar berishni boshlaymiz.