Rogers Cup. Karolina Plishkovaning yurishi davom etmoqda

Sayyoramizning uchinchi raqamli tennis malikasi Karolina Plishkova turnirdagi ikkinchi g'alabasiga erishdi. CHexiyalik tennischi uchinchi davra uchrashuvida estoniyalik Anett Kontaveytga qarshi kortga chiqdi. 

27 yoshli Plishkova reytingning 19-pog'onasida borayotgan raqibasini 1 soatu 18 daqiqa davom etgan bahs yakunida 6/3, 7/5 hisobida taslim etdi. Ikki tennischining o'zaro uchrashuvlaridagi hisob yiriklashdi - 3:0. Karolina Rogers Cup 1/4 finalida kanadalik Byanka Andreeskuga qarshi bahs olib boradi.