26 may 18:36
Yangiliklar

Tennis

Rolan Garros. Denis Istomin ikkinchi g'alabasiga erishdi

Franciya poytaxti Parij shahrida "Katta Dubulg'a" turkumiga kiruvchi "Rolan Garros" turnirining saralash bahslari davom etmoqda.

Saralashda ishtirok etayotgan mamlakatimizning birinchi raketkasi Denis Istomin ilk bosqich uchrashuvida jahon reytingida 125-o'rinni egallab turgan Bosniya va Gercogovina vakili Damir Jumxurni 2/6, 6/2, 6/1 hisoblarida mag'lubiyatga uchratgan edi.

Biroz avval yurtdoshimiz saralashning ikkinchi davra uchrashuvini o'tkazdi. Bu safar Istomin reytingning 215-pog'onasidan joy olib turgan hindistonlik Ramkumar Ramanatanni 1 soatu 5 daqiqa davom etgan bahsda 6/1, 6/2 hisoblarida taslim etdi.

Denisning uchinchi bosqichdagi raqibi birozdan so'ng boshlanadigan Tomas Barrios (CHili) - Tobias Kamke (Germaniya) uchrashuvidan so'ng malum bo'ladi. Barrios ATP reytingida 230, Kamke esa 239-pog'onani band etgan.