05 iyu 20:50
Yangiliklar

Tennis

"Rolan Garros". Nadal - Ruud final uchrashuvi bo'lib o'tdi

Franciya poytaxti Parij shahrida ikki hafta davom etgan "Katta Dubulg'a" turkumiga kiruvchi "Rolan Garros" turniri yakuniga etdi.

Biroz avval erkaklar o'rtasidagi final uchrashuvi yakunlandi. Dunyoning beshinchi raketkasi Rafael Nadal bosh sovrin uchun ATP reytingida 8-o'rinni egallab turgan norvegiyalik Kasper Ruudga qarshi kortga chiqdi.

Ikki soatu 20 daqiqa davom etgan bahsda kutilganidek grunt qoplamalar qiroli, ispaniyalik tennis afsonasi 6/3, 6/3, 6/0 hisobida zafar quchib, 14 karra "Rolan Garros" turniri g'olibiga aylandi.

36 yoshli Nadal 1 ta eys, 8 ta breyk-poynt 3 ta qo'shxato, 23 yoshli Ruud esa 2 ta breyk, 2 ta qo'shxato qayd etdi, eys zarbani amalga oshira olmadi. Bu tennischilarning o'zaro o'tkazgan ilk uchrashuvi edi.

French Open turniridagi muvaffaqiyatli ishtirok Nadalga €2,200,000 evro mukofot puli hamda 2000 reyting ochkosini taqdim etdi.