"Rolan Garros". Rafael Nadal ilk o'yinini o'tkazdi

Dunyoning beshinchi raketkasi Rafael Nadal musobaqaning ilk davrasida kortga chiqdi. Ispaniyalik tennis yulduzi ATP reytingida 82-o'rinni egallab turgan avstraliyalik Jordan Tompsonni uch setda ham bir xil hisobda mag'lubiyatga uchratdi - 6/2, 6/2, 6/2. 

Bahs 2 soatu 2 daqiqa davom etgan. Bu vaqt oralig'ida Rafael 1 ta eys va 7 ta breykni amalga oshirdi. O'zining to'p uzatishlarida qo'shxatoga yo'l qo'ymadi. Jordan esa 5 ta eys, 1 ta breyk-poynt va 1 ta qo'shxato qayd etdi. 

"Katta Dubulg'a" turnirlarining 21 karra chempioni Jordan bilan o'zaro uchrashuvlarda ikkinchi g'alabasini tantana qildi - 2:0. Endi Nadal ikkinchi bosqichda franciyalik Korenten Mutega qarshi kortga chiqadi.