24 may 10:50
Yangiliklar

Tennis

"Rolan Garros" turniri saralashiga qura tashlandi. Istomin kimga qarshi kortga chiqadi?

Tennis bo'yicha "Katta Dubulg'a" turkumiga kiruvchi Franciya Ochiq chempionati, yani "Rolan Garros" turnirining saralash bahslariga qura tashlash marosimi bo'lib o'tdi.

O'tgan yillar bilan taqqoslaganda, reytingda sezilarli darajada pasayib ketgan hamyurtimiz Denis Istomin musobaqaning saralash bahslarida o'z omadini sinab ko'radi. Qura natijasiga ko'ra mamlakatimizning birinchi raketkasi Roland Garros kvalifikaciyasining ilk davrasida Bosniya va Gercegovina vakili Damir Jumxurga qarshi kortga chiqadigan bo'ldi.

Jumxur saralashning 11-saralangan tennischisi sifatida qayd etilgan. Belaruslik Ilya Ivashka saralash musobaqasining birinchi raketkasi sifatida harakat qiladi. Uning ilk bosqichdagi raqibi rossiyalik Andrey Kuznecov bo'ladi.