Roland Garros. Rafael Nadal boshladi

Sayyoramizning uchinchi raketkasi 35 yoshli Rafael Nadal musobaqaning ilk davrasida reytingning 63-pog'onasidan joy olib turgan avstraliyalik 21 yoshli Aleksey Popirinni ortiqcha qiyinchiliksiz engdi - 6/3, 6/2, 7/6(3).

Ikki soatu 26 daqiqa davom etgan bahsda Rafael 7 ta, Aleksey esa bor yo'g'i 1 ta eys zarbasini ijro etdi. O'zaro uchrashuvlarda Nadal ikkinchi g'alabasiga erishdi - 2:0. Nadalning ikkinchi bosqichdagi raqibi franciyalik Rishar Gaske bo'ladi. U o'z o'rnida hamyurti Ugo Gastonni 6/1, 6/4, 6/2 hisoblarida mag'lubiyatga uchrata oldi.