12 noy 13:02
Yangiliklar

Futbol

Ronaldu jazodan qutulib qoldi

“Yuventus” hujumchisi Krishtianu Ronaldu Italiya A seriyasining 12-turida “Milan”ga (1:0) qarshi bellashuvdan keyingi hatti harakati uchun jazolanmaydigan bo'ldi.

“Byankoneri”lar ustozi Mauricio Sarri bellashuvning 55-daqiqasida portugaliyalik futbolchini zaxiraga olgach, Krishtianu tezlik bilan echinish xonasiga yo'l olgan va keyinchalik o'yin tugashini kutmay, stadionni tark etgandi.

Turin klubi ichki tartib-qoidalariga muvofiq, Ronaldu katta miqdorda jarimaga tortilishi lozim edi. Ammo klub rahbariyati futbolchiga sankciya qo'llashni istamadi, deya xabar bermoqda Goal.com nashri “La Stampa”ga tayanib.

Ilgariroq Sarri Ronalduning tizzasida og'riq borligi haqida gapirgandi. Eslatib o'tamiz, Krishtianu Ronaldu qatorasiga ikkinchi bellashuvda maydonda o'z o'rnini jamoadoshlariga bo'shatib bermoqda.