Ronaldu “Real”dan 50 mln evrolik maosh talab qildi, bu Messinikidan ko'p

Portugaliyalik futbolchi yangi shartnomaga imzo chekadi, faqat buning uchun “Real” Ronalduga yiliga 80 million evrolik maosh to'lashi kerak bo'ladi. Soliqlarni chiqarib tashlaganda hujumchining 12 oylik sof maoshi 50 million evroni tashkil qiladi.

Bu bilan Ronaldu “Barselona” etakchisi Lionel Messi hamda “PSJ” hujumchisi Neymardan ham ko'p maoshga ega bo'lmoqchi. Agar “Real” Ronalduning taklifini qabul qilsa, u holda portugaliyalik dunyoning eng ko'p maosh oluvchi futbolchisiga aylanadi. 

Messining yillik sof maoshi 42 million evroni tashkil qiladi. “Real” rahbarlari shartga rozi bo'lishsa, Ronaldu 3 yillik shartnomaga imzo chekadi. Kelishuv yakunlangan yili Krishtianu 36 yoshga to'ladi.