Ronaldu tufayli burni singan muxlisa futbolchidan sovg'a oldi

"Yuventus" muxlisasi Elena Di Martino bunday zarbalarning birini qabul qilib oldi.

"Kevo"ga qarshi o'yindan (3:0) oldingi mashg'ulotda Ronaldu kuchli zarba berdi, ammo to'p darvoza to'riga emas, Elenaning yuziga tegdi. Natijada muxlisaning ko'zoynagi va burni sindi. Stadion xodimlari tezda unga birinchi yordamni ko'rsatishdi.

Elena voqea haqida "Feysbuk"dagi sahifasida yozdi: "Har kuni ham Krishtianu Ronaldu tepgan to'p yuzingizga tegavermaydi. Qo'llab-quvvatlash uchun ishqibozlar tribunasidagi do'stlarimga rahmat. Aytgancha, men kechki ovqatga taklifni kutyapman".

Keyinroq Elena so'zlari jiddiyligini, haqiqatdan ham Ronaldudan taklif kutayotganini aytdi.

Krishtianu qizni kechki ovqatga emas, "Yuventus" bazasiga taklif qildi.

Futbolchi muxlisa bilan suhbatlashib, unga imzosi tushirilgan futbolka sovg'a qildi.

"Bu mening sovg'am. Ronaldu maydonda va uning tashqarisida chempion..." - deb yozdi Elena uchrashuvdan keyin.