Rossiya terma jamoasi ketma-ket ikkinchi marta "Devis Kubogi" yarim finaliga chiqdi

Jahonning 2-raketkasi Daniil Medvedev "Devis Kubogi" chorak finalida SHveciya terma jamoasi vakili Mikael Imerni 6/4, 6/4 hisobida mag'lub etdi. SHu tariqa juftlik o'yiniga ehtiyoj qolmadi. Bu yil chorak finalda hal qiluvchi juftlik uchrashuvini o'ynash shart bo'lmagan yagona o'yin mana shu bo'ldi.

Rossiya terma jamoasi tarixda 10-marta va ketma-ket ikkinchi marta yarim finalga chiqdi. 2019 yilda ular yarim finalda kanadaliklarga mag'lub bo'lishgan edi, 2020 yilda esa pandemiya tufayli turnir o'tkazilmadi.

Finalga chiqish uchun rossiyaliklar Germaniya bilan kuch sinashadi.