Rossiyada g'oliblikni qo'lga kiritgan “Vatanparvar” sportchisi munosib kutib olindi

Toshkent xalqaro aeroportida Rossiyada birinchi MDH davlatlari o'yinlarida ishtirok etgan sportchilarimiz O'zbekiston Respublikasi mudofaasiga ko'maklashuvchi “Vatanparvar” tashkilotining Respublika texnik va amaliy sport turlari markazi bosh direktori Anvar Kurbaniyazov va Namangan viloyati kengashi raisi Ahmadjon Alaxodjaev boshchiligida tantanali kutib olindi.

Ushbu musobaqaning pnevmatik quroldan o'q otish yo'nalishida 1-o'rinni egallab, oltin medalga sazovor bo'lgan –“Vatanparvar” tashkiloti Namangan viloyati kengashining o'q otish sporti sekciyasi azosi Muhammad Kamalov kutib oluvchilar safida o'z ota-onasi ko'rib behad quvondi.

“Qanday yutuqqa erishgan bo'lsam, barchasi “Vatanparvar” tashkilotida faoliyat yuritayotgan ustoz-murabbiylarim bergan saboqlar natijasidir. O'z iqtidorimni namoyon etishim uchun barcha imkoniyatlarni taqdim etgan davlatimiz rahbari va “Vatanparvar” tashkiloti rahbariyati hamda ustozlarimdan juda minnatdorman. Eng katta orzularimdan biri – 2024 yilda Franciyada bo'lib o'tadigan yozgi Olimpiya o'yinlarida ishtirok etib, g'oliblikni qo'lga kiritish”, dedi Muhammad Kamalov jurnalistlarga bergan intervyusida.

O'zbekiston Respublikasi mudofaasiga ko'maklashuvchi “Vatanparvar” tashkiloti Matbuot xizmati