Rossiyalik olim O'zDJTSU professor-o'qituvchilari bilan tajriba almashmoqda

So'nggi vaqtlarda mamlakatimizda ilmiy soha va ilmiy tadqiqotlarni rag'batlantirishga bo'lgan etibor keskin kuchaydi. Oliy talim muassasalari, ilmiy tadqiqot institutlari va tashkilotlarning ilm-fanni rivojlantirish borasidagi vakolatlari yanada kengaytirildi. 

O'zbekiston Respublikasi Prezidentining qaroriga muvofiq O'zbekiston davlat jismoniy tarbiya va sport universitetining Sportchilarning texnik-taktik, psixofiziologik holatini o'rganish va tahlil qilish bo'yicha maxsus ilmiy laboratoriyasi negizida O'zbekiston davlat jismoniy tarbiya va sport universiteti huzuridagi Jismoniy tarbiya va sport ilmiy tadqiqotlar instituti ham tashkil etildi. 

Jismoniy tarbiya va sport ilmiy tadqiqotlar instituti tashabbusi bilan O'zbekiston davlat jismoniy tarbiya va sport universitetiga Rossiya davlat jismoniy madaniyat, sport va turizm universiteti SHarq yakkakurashlari va kurash nazariyasi va uslubiyati kafedrasi professori SHiyan Viktor Vladimirovich taklif etildi.

Mehmonni universitet rektori, professor Maxmudjon Boltabaev kutib oldi. Rossiyalik olim universitetning Talabalar madaniyat saroyi, talabalar turar joyida yoshlar uchun yaratilayotgan sharoitlar bilan tanishtirildi.

SHundan so'ng rossiyalik professor Viktor SHiyan ishtirokida “Jismoniy tarbiya va sport sohasida ilmiy-tadqiqot ishlarini tashkil qilish yo'llari” mavzusida mahorat darslari tashkil etildi. 

Mahorat darslarida O'zbekiston davlat jismoniy tarbiya va sport universiteti huzuridagi Jismoniy tarbiya va sport ilmiy tadqiqotlar instituti direktori, professor R. Matkarimov, professor F.Kerimov hamda universitet professor-o'qituvchilari, doktoranturada tahsil olayotgan izlanuvchilar ishtirok etishdi. 

SHuningdek, universitetning mustaqil izlanuchilaridan SH.Gaziev va B.Mirodilovlarning ilmiy ishlari ham xorijlik mutaxassis ishtirokida muhokama qilinib, kerakli tavsiyalar berildi.

Eslatib o'tamiz, rossiyalik olim ishtirokidagi mahorat darslari joriy yilning 30 yanvar kuniga qadar davom etadi.