Rossiyalik sport talimi olimlari O'zbekistonda

Muloqot davomida jismoniy tarbiya va sport sohasida ikki tomonlama hamkorlikni yo'lga qo'yish, qishki sport turlarini rivojlantirish, malakali mutaxassislar, yosh olimlarning tajriba almashinuvi va hamjihatlikda ilmiy loyihalar ustida ishlash bo'yicha fikr-mulohazalar bildirildi hamda talim muassasalari o'rtasida o'zaro hamkorlik memorandumi imzolandi. 

O'zbekiston davlat jismoniy tarbiya va sport universiteti rektori Rashid Matkarimov mehmonlarga mamlakatimizda sport talimini rivojlantirish, yurtimizda o'tkazilayotgan xalqaro sport musobaqalari, kelgusi yili poytaxtimizda o'tkaziladigan “Toshkent-2025” yoshlar Osiyo va Paraosiyo o'yinlariga ko'rilayotgan tayyorgarlik, bunyod etilayotgan “Olimpiya shaharchasi”, ommaviy sportni rivojlantirish borasidagi say-harakatlar haqida malumot berdi. 

Uchrashuvda Natalya Masyaginaga O'zbekiston davlat jismoniy tarbiya va sport universiteti faxriy professori unvoni topshirildi.