"Rostov" SHomurodov borasida bir necha millionlik taklif oldi

Taniqli futbol mutaxassisi Alisher Nikimbaev telegramdagi o'z kanalida rossiyalik hamkasbi tomonidan SHomurodov borasida aytilgan malumotni taqdim etdi.

- "Rostov" Osiyo Kubogidan keyin SHomurodov borasida taklif olgan. Gap bir necha million haqida ketmoqda. SHomurodov Valeriy Karpin o'yin uslubiga u qadar mos tushmayapti. Bundan tashqari hozir Eldorda asosiy tarkib uchun bir qator raqobatchilar bor. SHunday ekan, agar taklif 5-6 million atrofida bo'lsa "Rostov" uni transferiga rozi bo'lishi mumkin. Ammo bunday taklifni faqat Osiyo klublari berishlari mumkin. Evropada hech kim Rossiya chempionatida doim ham asosiy tarkibda o'ynamagan futbolchi uchun buncha pul to'lamaydi, - dedi Nikimbaevning rossiyalik hamkasbi.

Eslatib o'tamiz, Eldor SHomurodov Osiyo Kubogi-2019da 4ta o'yinda 4ta gol urishga erishdi.