Rufat Risqiev va yana bir guruh sport sohasi vakillari davlat mukofotiga loyiq ko'rildi

O'zbekiston Respublikasi Prezidenti SHavkat Mirziyoev yaqinlashib kelayotgan Vatanimiz mustaqilligining yigirma to'qqiz yilligi munosabati bilan fan, talim, adabiyot, madaniyat, sanat, sport va ommaviy axborot vositalari sohalari xodimlaridan bir guruhini davlat mukofotlari bilan taqdirladi. Mazkur farmonda shunday deyiladi:

Vatanimiz mustaqilligini mustahkamlashga qo'shgan munosib hissasi, o'zining yorqin istedodi, serqirra ijodi, ilmiy-innovacion faoliyati bilan mamlakatimizning ilm-fan, madaniyat va sanat sohalarini rivojlantirish, yosh avlodni ona yurtga muhabbat va sadoqat ruhida har tomonlama barkamol etib tarbiyalash yo'lidagi samarali xizmatlari hamda jamoat ishlaridagi faol ishtiroki uchun quyidagilar faxriy unvonlar bilan taqdirlansin:

“O'zbekiston Respublikasida xizmat ko'rsatgan sport ustozi” faxriy unvoni bilan
Haydarov Ravshan Akmalovich – futbol bo'yicha O'zbekiston yoshlar (U-23) terma jamoasi bosh murabbiyi

“O'zbekiston Respublikasida xizmat ko'rsatgan sportchi” faxriy unvoni bilan
Ahmedov Odil Alimjonovich – futbol bo'yicha O'zbekiston milliy terma jamoasi azosi

“Do'stlik” ordeni bilan
Risqiev Rifat Asadovich – faxriy sportchi

Yugay Lev Pavlovich – Milliy tadqiqot texnologiya universitetining Olmaliq filiali matematika va umumiy kasbiy fanlar kafedrasi mudiri

“Sodiq xizmatlari uchun” medali bilan
Gaziev Bahromjon Valievich – O'zbekiston zamonaviy beshkurash federaciyasi raisi

“Sog'lom turmush” medali bilan
Arslonov Najib Gadievich – Sport yakkakurashlari bo'yicha respublika oliy sport mahorati maktabi boks bo'limi murabbiyi

Boydadaev Abdujabbor Abdusattorovich – Uchqo'rg'on tumani olimpiya va milliy sport turlari bo'yicha ixtisoslashtirilgan maktab-internati direktori o'rinbosari, Namangan viloyati

Li Lyudmila Rudolfovna – Gimnastika bo'yicha respublika oliy sport mahorati maktabi sport gimnastikasi bo'yicha murabbiy-o'qituvchisi

Paxomov Vladimir Yurevich – Respublika ixtisoslashtirilgan bolalar va o'smirlar sport maktabi akademik eshkak eshish bo'yicha katta murabbiy-o'qituvchisi

O'zbekiston Milliy olimpiya qo'mitasi mana shunday faxriy unvon, orden va medallar bilan taqdirlangan barcha sport fidoyilarini samimiy muborakbod etib qoladi.