16 mar 10:39
Yangiliklar

Boshqalar

Rufat Risqievga taziya bildiramiz

O'zbekiston boks tarixidagi eng yaxshi charm qo'lqop ustalaridan biri, SSSR sport ustasi, taniqli foto jurnalist Alisher Risqiev vafot etdi.

Malumot uchun, Alisher Asadovich Risqiev 1946 yili Toshkent viloyatining Oqqo'rg'on tumanida shifokorlar oilasida dunyoga kelgan. Afsonaviy Rufat Risqievning birinchi murabbiyi ham aynan Alisher Risqiev bo'lgan. Rufat Risqiev akasi Alisher akaga havas qilib, boksni tanlagan. U etti karra O'zbekiston chempioni, sobiq ittifoq miqyosidagi ko'plab musobaqalar g'olib va sovrindori hisoblanardi.

SSSR sport ustasi bo'lgan Alisher aka boksdagi faoliyatini yakunlaganidan so'ng uzoq yillar O'zbekiston Milliy axborot agentligida foto muxbirlik qildi.

Olamsport.com sayti Alisher Risqievning oila azolari, yaqinlari va alohida Rufat Risqievga hamdardlik bildiradi. O'tganlarning oxirati obod bo'lsin!