Rustam Ashurmatov: "Xafamiz deyolmayman, lekin xursand ham emasmiz"

"O'yin yaxshi o'tdi. Muhimi, birinchi o'rinda qoldik. To'g'ri, g'alaba qozonishimiz ham mumkin edi, lekin bu – futbol. Biz ochko yo'qotganimiz bilan raqibimiz ham ochko yo'qotdi. SHuning uchun xafamiz deyolmayman, lekin xursand ham emasmiz. 

Keyingi uchrashuvda o'ynamasligim aniq, chunki 2 ta sariq kartochka olishga ulgurdim. Bunday jarohat bilan oldin ham o'ynaganmiz. SHuning uchun bu narsa o'yinlar va mashg'ulotlarda qatnashishga xalaqit qilmaydi. 

Albatta, murabbiyning yo'qligi o'yinlarda tasirini o'tkazadi. Bosh murabbiy o'z nomi bilan bosh murabbiy. U yonimizda bo'lsa, ishonchimiz yana yuqori bo'lishi mumkin edi. Uning o'rnini bildirmaslikka harakat qilamiz.

Har bir jamoani hurmat qilamiz, ammo jamoamiz maydonga faqat g'alabani ko'zlab maydonga tushadi. Sababi Eron bilan durang o'ynadik, BAAni yutishga majburmiz va qo'limizdan kelgan hamma narsani qilamiz", – dedi Ashurmatov. 

Eslatib o'tamiz, O'zbekistonning BAAga qarshi uchrashuvi 15 oktyabr kuni 19:00 da start oladi.