Rustam Qosimjonov Angliyadagi turnirda durang o'ynadi

Dunyoning eng kuchli grossmeysterlari ishtirokida o'tayotgan open-turnirda hamyurtimiz, 17-jahon chempioni Rustam Qosimjonov ham o'z imkoniyatini sinovdan o'tkazyapti. SHveycarcha tizimda o'tkazilayotgan ushbu musobaqada jami 159 nafar shaxmatchi dona suryapti.

Ular orasida amaldagi jahon chempioni norvegiyalik Magnus Karlsen, sobiq jahon chempioni hindistonlik Magnus Karlsen, umuman olganda, jahon reytingining yuqori elitasidagi barcha shaxmat yulduzlari bor.

Rustam Qosimjonov kecha o'tkazilgan 8-partiya uchrashuvida gollandiyalik grossmeyster Ervin L’Amiga qarshi qora donalarda harakat qilib, murosaga keldi. Hozircha hamyurtimiz 8 imkoniyatdan 5,5 ochko jamg'argan.

Peshqadam Magnus Karlsen hisobida 7 ochko bor. Kecha norvegiyalik jahon chempioni qora donalarda o'ynashiga qaramay, asosiy raqibi amerikalik Fabiano Karuanani mag'lubiyatga uchratdi.

Malumot uchun, turnir g'olibi 50 000 funt sterlingga ega bo'ladi. Ikkinchi o'rin sohibi 25 000, uchinchi o'rinni egallagan shaxmatchi 12 500 funt sterling miqdoridagi mukofot pulini qo'lga kiritadi.

8-tur natijalari: Karuana – Karlsen 0-1, Nakamura – Sutovskiy 1-0, Fressine – Anand 0-1, Sokolov – Rapport 0-1, Xou Ifan – Bogner 1-0, Svapnil – SHort 1-0, Kramnik – Seturaman 1-0, Xauell – Timman 1-0, Jons – Baciashvili 1-0, Kostenyuk – SHirov 0-1. Vidit – Elyanov, Grandelius – Adams, L’Ami – Rustam Qosimjonov, Bindrix – Movsesyan, Akobyan – Lenderman partiyalari durang bilan yakunlandi.

8-turdan keyingi vaziyat: 1. M.Karlsen (Norvegiya) – 7; 2. X.Nakamura (AQSH) – 6,5; 3-8. V.Anand, S.Vidit, S.Svapnil (hammasi Hindiston), P.Elyanov (Ukraina), R.Rapport (Vengriya), Xou Ifan (Xitoy) – 6; 9-25. V.Kramnik (Rossiya), F.Karuana, V.Akobyan, J.SHong, A.Lenderman (hammasi AQSH), M.Adams, D.Xauell, G.Jons (hammasi Angliya), E.Sutovskiy (Isroil), P.Leko (Vengriya), Rustam Qosimjonov (O'zbekiston), S.Movsesyan (Armaniston), N.Grandelius (SHveciya), A.SHirov (Latviya), E.L’Ami (Gollandiya), F.Bindrix (Germaniya), L.Sunildut (Hindiston) – 5,5.

9-tur juftliklari: Karlsen – Nakamura, Anand – Xou Ifan, Elyanov – Svapnil, Rapport – Vidit, Jons – Kramnik, Akobyan – Karuana, Adams – SHong, SHirov – Xauell, Sutovskiy – Grandelius, Lenderman – Leko, Rustam Qosimjonov – Bindrix, Movsesyan – L’Ami, Valexo – Sunildut.