Rustam Qosimjonov peshqadamlar safiga qaytdi

Kecha kunning ikkinchi yarmida musobaqaning sakkizinchi tur uchrashuvlari o'tkazildi. Turnirda birinchi raqam ostida saralangan Rustam Qosimjonov ushbu turda oq donalarda harakat qildi. 17-jahon chempioni yana bir hamyurtimiz Nikita Xoroshevni mag'lubiyatga uchratdi. 

15 yoshli xalqaro grossmeyterimiz Nodirbek Abdusattorov esa peshqadam, qozog'istonlik grossmeyster Rinat Jumaboev bilan durang o'ynadi. Tajribali grossmeysterimiz Marat Jumaev qozog'istonlik Murtaz Kajgaleevga imkoniyatni boy berib qo'ydi.  

Sakkizinchi turdan so'ng musobaqa jadvalida qo'shhokimlik yuzaga keldi. Rinat Jumaboev va Rustam Qosimjonov 6 ochkodan jamg'arishgan. Qo'shimcha ko'rsatkichlarga ko'ra Jumaboev birinchi o'rinni egallab turibdi. Nodirbek Abdusattorov va Murtaz Kajgaleev 5,5 ochko bilan kuchli to'rtlikdan joy olgan. 

Bugun so'nggi 9-turda Rustam Qosimjonov oq donalarda Kajgaleevga, Rinat Jumaboev vatandoshi Pyotr Kostenkoga qarshi bahs olib boradi. Abdusattorov esa qora donalarda SHamsiddin Vohidovga qarshi harakat qiladi.