Rustam Yambulatov: “Merganlik qonimizda bor”

Bu borada dastlabki qadam poytaxtimizdagi 23-bolalar uyidan boshlandi.

Mazkur dargoh rahbariyati bilan kelishuvga ko'ra, u erda tarbiyalanayotgan va o'q otish sportiga qiziqqan 25 nafar o'g'il-qiz ishtirokida dastlabki mahorat saboqlari olib borildi. Unda murabbiylar yoshlar uchun mazkur sport turi haqida qiziqarli malumotlarni gapirib berishdi. Aytish mumkin, bu dastur orqali yoshlar o'zlari uchun yangi Olimpiya sport turini kashf etishdi.

Nazariy tushunchadan so'ng 9 nafar tarbiyalanuvchi saralab olindi va ular ishtirokida stenddan otish yo'nalishida amaliy mashg'ulotlar olib borildi. Takidlash joiz, bu kabi amaliy mashg'ulotlar kelasi haftadan muntazam ravishda olib boriladigan bo'ldi.

“Respublikamizda iqtidorli yoshlar ko'p. Faqat ularni saralab olishimiz kerak. O'q otish va merganlik, tezkor reakciya, nishonni his qilish hissi bizning qonimizda bor. Faqat ularni yuzaga chiqarib olish lozim”, – dedi o'q otish bo'yicha terma jamoa murabbiyi Rustam Yambulatov.