06 iyu 20:01
Yangiliklar

Tennis

Sabina Farg'ona "CHellenjer" turnirining 1/4 finaliga chiqdi

Farg'ona shahrida tennis bo'yicha "CHellenjer" turkumiga kiruvchi turnir davom etmoqda.

Sovrin jamg'armasi 25 000 AQSH dollarini tashkil qiluvchi musobaqaning yakkalik bahslarida chorak final ishtirokchilari malum bo'ldi. Ushbu bosqichga hamyurtlarimizdan birgina mamlakatimizning birinchi raketkasi Sabina SHaripova etib keldi.

SHaripova Farg'onadagi turnirda ham birinchi raqam ostida harakat qilmoqda. Birinchi davrada yana bir yurtdoshimiz Sevil Yo'ldoshevadan 6:1, 6:0 hisobida ustun kelgan Sabina bugun ikkinchi bosqich uchrashuvini o'tkazdi.

Tennischimiz belaruslik Ilona Kremenga qarshi kortga chiqib, raqibasini ikki setda ham bir xil 6:1 hisobida taslim etdi. SHaripovaning chorak finaldagi raqibasi turnirning oltinchi raketkasi, rossiyalik Kamila Rahimova bo'ladi.