12 sen 14:36
Yangiliklar

Tennis

Sabina Guyayn turnirining juftligida chorak finalga chiqdi

Xitoyning Guyayn shahrida tennis bo'yicha sovrin jamg'armasi 25 000 AQSH dollaridan iborat turnirning asosiy to'r bahslari davom etmoqda.

“Fyuchers” turkumiga kiruvchi ushbu musobaqada hamyurtimiz Sabina SHaripova ham o'z imkoniyatini sinovdan o'tkazyapti. Mamlakatimizning birinchi raqamli tennischisi turnirda ikkinchi raqam ostida harakat qilmoqda.

SHaripova birinchi davrada yaponiyalik Miyabi Inoueni mag'lub etgandi. Bir necha daqiqa avval Sabina juftlik musobaqasida ham kortga chiqdi. Belaruslik Lidya Morozova bilan birga birinchi raqamli juftlikni hosil qilgan vakilamiz yaponiyalik tennischilar - SHixo Akita va Nagi Xanatani hamkorligini 6:1, 6:0 hisobida taslim etdi.

Uchrashuv bor yo'g'i 40 daqiqa davom etdi. Sabina va Lidyaning yarim final yo'lidagi raqibalari, xitoylik tennischilar SHeng Yuki hamda Jeng Vushuang bo'ladi.