Sabina SHaripova: "Bu men uchun uchinchi Osiyo o'yinlari, unda chempion bo'lishni xohlayman"

Ertaga yakkalik, juftlik hamda miks, yani aralash juftlik bahslariga qura tashlash marosimi bo'lib o'tadi. Yakshanba kunidan etiboran esa tennis musobaqasiga start beriladi. Ayni daqiqalarda tennischilarimiz bugunga belgilangan ikkinchi mashg'ulotni o'tkazishyapti. 

Biz mamlakatimizning birinchi raketkasi Sabina SHaripovadan intervyu oldik. Bu SHaripova uchun uchinchi Osiyo o'yinlari bo'ladi. 

"O'zim uchun uchinchi Osiyo o'yinlarida chempion bo'lishni istayman. Buning uchun astoydil harakat qilaman. Jamoamizning umumiy g'alabasiga xissa qo'shmoqchiman. Raqiblarimiz ham anoyi emas. Ular ham Palembangga g'alaba ishtiyoqida kelishgan. 

SHaroitlarga to'xtaladigan bo'lsam, bu borada hech qanday muammoga duch kelmayapmiz. Hamma narsa sportchilar uchun. Faqat havo harorati biroz baland, aniqrog'i namlik yuqori. Ammo, bu biz uchun bahona bo'la olmaydi", - dedi S. SHaripova.

Kamoliddin ALIMOV suhbatlashdi (Palembang, Indoneziya)

Suratlar muallifi - Abdullo Fayzullaev