10 jan 20:21
Yangiliklar

Tennis

Sabina SHaripova mavsumni g'alaba bilan boshladi

Tunis davlatining Monastir shahrida tennis bo'yicha ayollar o'rtasida ITF turniri start oldi.

"A2 Monastir W25" turnirida hamyurtimiz Sabina SHaripova ham qatnashyapti. Mamlakatimizning ikkinchi raketkasi o'z ishtirokini saralash bahslaridan boshladi.

Saralashning beshinchi raketkasi sifatida qayd etilgan Sabina ikkinchi davra uchrashuvida hali reytingda o'z o'rniga ega bo'lmagan mezbonlar vakilasi Ferel Ben Xassenni ortiqcha qiyinchiliksiz mag'lub etdi - 6/1, 6/2.

WTA reytingida 487-pog'onada borayotgan SHaripovaning saralash final bosqichidagi raqibasi AQSH va Yaponiya tennischilari uchrashuvidan so'ng malum bo'ladi.