Sabina "W 15 Shymkent" turniri finaliga chiqdi, yakkalikda esa...

Musobaqaning juftliklar bahsida Sabina SHaripova rossiyalik Ekaterina Yashina bilan birgalikda tandem hosil qilgan holda ishtirok etayotgani haqida xabar bergan edik. Biroz avval turnirning yarim finalida bu juftlik qozog'istonlik tennischilar Go'zal Ainitdinova va Jibek Kulambaeva tandemiga qarshi kortga chiqdi. 1 soatu 46 daqiqa davom etgan uchrashuvda SHaripova/Yashina tandemi mezbon raqibalarini 6/4, 5/7, 10/5 hisobida mag'lubiyatga uchratib, finalga chiqdi.

Yakkalik bahsida esa Sabina SHaripova chorak final bahsida amerikalik Jessi Aneyga qarshi kortga chiqdi. 1 soatu 16 daqiqa davom etgan uchrashuvda 1-raqam ostida saralangan SHaripova afsuski, raqibasiga 2/6, 1/6 hisobida imkoniyatni boy berib qo'yib, musobaqaning yakkalik bahslarini tark etdi.