“Sahibkiran Cup 2023” III xalqaro turnirining g'olib va sovrindorlari malum FOTOGALEREYA

Umumiy sovrin jamg'armasi 20 ming AQSH dollari bo'lgan nufuzli turnirda 13 ta davlatdan 164 nafar shaxmatchi ishtirok etdi. So'nggi kun musobaqaning g'olib va sovrindorlari tantanali ravishda taqdirlandi.

Birinchi o'rin qozog'istonlik Alisher Suleymenovga nasib etdi. U 9 imkoniyatdan 7 ochko bilan yakka peshqadam bo'ldi. Ikkinchi o'rinni Platon Galperin (Ukraina) egalladi. Uning hisobida 6,5 ochko bor. Kuchli uchlikda ozarboyjonlik shaxmatchi Vugar Rasulov ham 6,5 ochko bilan musobaqani tugatdi.

Ayollar o'rtasidagi bellashuvlarda Nilufar Yoqubboevaga teng keladigani topilmadi. G'olib va sovrindor bo'lganlar orasida Umida Omonova, Muhammadzohid Suyarov, Olmos Rahmatullaev, Vladimir Egin, Humoyun Bekmuratov kabi iqtidorli shaxmatchilar bor.

Tashkilotchilar tomonidan tasis etilgan pul mukofotlari, sertifikat hamda medallar g'olib va sovrindorlarga tantanali suratda topshirildi.

Alimurod MAMADAMINOV, o'z muxbirimiz