Said Nurmagomedovning UFC 308 turniridagi jangi bekor qilindi, Saidyoqub Qahramonov bunga munosabat bildirdi

U 26 oktyabr kuni Abu-Dabi shahrida tashkil etiladigan turnir doirasida braziliyalik Daniel Santosga qarshi jang qilishi lozim edi. Biroq Santos mashg'ulotda jarohat oldi. UFC esa kichik muddatda Said Nurmagomedov uchun zaxira variantini topa olmadi.

Avvalroq, o'zbekistonlik sobiq UFC jangchisi, Said Nurmagomedov bilan 2022 yilda jang qilib, mag'lub bo'lgan Saidyoqub Qahramonov UFC'dan revansh so'ragan edi. Lekin unga bu imkoniyat taqdim etilmadi.

Hamyurtimiz bunga quyidagicha izoh berdi:

"Said Nurmugamedovning jangi bekor qilinganidan juda xafaman. Umid qilamanki, ular unga tez orada jang tashkil qilib berishadi. Ko'p yigitlar faqatgina shu kard orqali UFC'ga kirib olish uchun bu jangni o'tkazishga harakat qilganini ko'rdim. Ularning aksariyati men kabi g'alaba qozonish haqida qayg'urmadi", deb yozdi Qahramonov o'zining Tvitter sahifasida.