Saida Mahmudova stol tennisi federaciyasi mutasaddilari va murabbiylari bilan onlayn konferenciya o'tkazdi

Jumladan, mamlakatimiz stol tennisi federaciyasi raisi Saida Mahmudova bugun federaciya mutasaddilari va xodimlari hamda viloyat murabbiylari bilan videokonferenciya orqali bog'landi. Unda karantin qoidalariga qattiq rioya qilish, karantin vaqtida masofaviy mashg'ulotlar olib borish va murabbiy hamda sportchilarni sog'liqlarini nazorat qilish kabi masalalar ko'rildi.

S.Mahmudova suhbat davomida xodimlarning salomatligi va karantin vaqtida kunni qanday o'tkazayotganligi, muammo va kamchiliklar haqida so'radi. SHuningdek, har qanday holatda ham ishni samarali olib borish va karantin qoidalarini buzmaslik, sportchilar ustidan doimi nazoratni taminlash bo'yicha ko'rsatmalar berdi. Stol tennis bo'yicha terma jamoa murabbiylari va shifokorlariga sportchilarning uy sharoitida olib borilayotgan mashg'ulotlarini kuzatib borish hamda ularning salomatligi haqida hisobot berishlarini so'radi.

Videokonferenciyada Toshkent shahar va viloyat murabbiylarining olib borayotgan faoliyatlar haqida hisobotlar tinglandi. Suhbat yakunida Saida Mahmudova tomonidan mamlakatimiz stol tennisi federaciyasi barcha azolari o'rtasida mazkur sport turi bo'yicha «Eng yaxshi videorolik» chellenjni o'tkazish taklifi berildi va bu bir ovozdan maqullandi.

O'zbekiston stol tennisi federaciyasi matbuot xizmati