20 dek 16:06
Yangiliklar

Tennis

Saidalo murosasiz bahsda yarim final chiptasini qo'lga kiritdi

Pokiston poytaxti Islomobod shahri mezbonlik qilayotgan tennis bo'yicha “Fyuchers” turkumiga kiruvchi turnir o'zining hal qiluvchi pallasiga kirdi.

Sovrin jamg'armasi 15 000 AQSH dollarini tashkil qiluvchi ushbu musobaqada hamyurtimiz Saidalo Saidkarimov ham muvaffaqiyatli tarzda ishtirok etyapti. Hozirgina yakuniga etgan chorak final uchrashuvida Saidalo yana bir irodali g'alabaga erishdi.

Istedodli tennischimiz 1 soatu 50 daqiqa davom etgan chorak final bahsida Buyuk Britaniya vakili SHamael CHaudxrini 6:4, 3:6, 6:2 hisobida mag'lub etib, yarim finalga yo'l oldi. Endi u final yo'llanmasi uchun turnirning uchinchi raketkasi, germaniyalik Kay Vexneltga qarshi kortga chiqadi.