01 fev 09:27
Yangiliklar

Boks/MMA

Saidjamshid Jafarov "IBA CHempionlar oqshomi"da jang o'tkazdi + FOTOGALEREYA

Kecha Rossiya Federaciyasi poytaxti Moskva shahrida boks bo'yicha nvbatdagi IBA Champions' Night turniri bo'lib o'tdi.

"Lujniki" majmuasi mezbonlik qilgan ushbu boks oqshomida hamyurtimiz Saidjamshid Jafarov ham o'zining navbatdagi jangini o'tkazdi.

U rossiyalik Dmitriy Zaxarovga qarshi ringga ko'tarildi. 71 kg vazn toifasida tashkil etilgan 6 raundlik jang to'liq davom etdi va unda Jafarov ochkolar hisobiga ko'ra g'alaba qozondi.

Malumot uchun, Saidjamshid bundan avvalgi jangini o'tgan yilning 30 noyabr kuni Rossiyaning Ekaterinburg shahrida tashkil etilgan RCC Boxing Promotions promouterlik kompaniyasi turnirida rossiyalik Gor Oganesyanga qarshi o'tkazib, ochkolar hisobiga ko'ra g'alaba qozongandi. Bu havaskor boksda jahon chempionati sovrindori bo'lgan Saidjamshidning prof boksdagi debyut jangi bo'lgandi.