Saken Polatov Oybek Kasimov bilan birga Andijon ixtisoslashtirilgan olimpiya zaxiralari maktab-internatida FOTO

Mazkur tadbirdan so'ng, O'zbekiston boks federaciyasi raisining birinchi o'rinbosari Saken Polatov hamda Jismoniy tarbiya va sport vazirining birinchi o'rinbosari Oybek Kasimov Andijon ixtisoslashtirilgan olimpiya zaxiralari maktab-internatida bo'lishdi. 

Mutasaddilar u erda boks bilan shug'ullanish uchun yaratilgan sharoitlar bilan tanishishdi, yosh bokschilarning mashg'ulotlarini kuzatib, ular bilan muloqot qilishdi. Boksni yanada rivojlantirish uchun zarur shart-sharoitlarni yaratish, qolaversa shaharda boks markazini bunyod etish masalalari muhokama qilindi. Ishni tashkil qilish davomida yuzaga kelgan kamchiliklar tahlil qilindi. Muammolarni bartaraf etish bo'yicha tegishli ko'rsatmalar berildi. Tashrif davomida yosh bokschilar bilan esdalik uchun suratga tushishdi.

SHuningdek, ular yakkakurash turlariga ixtisoslashtirilgan sport maktabi hamda "Sog'lom Avlod" stadionida ham bo'lishdi.

O'zbekiston boks federaciyasi matbuot xizmati