Samarqand Osiyoning eng kuchli eshkak eshuvchilarini aniqlab beradi

U-23, U-20 va parakanoe bo'yicha tashkil etilayotgan mazkur musobaqada O'zbekiston, Qozog'iston, Qirg'iziston, Tojikiston, Eron, Iroq, Hindiston, Xitoy Taipeyi, Gonkong, Tailand, Indoneziya kabi mamlakatlardan 400 nafar sportchi ishtirok etadi. Kecha musobaqaning tantanali ochilish marosimi bo'lib o'tdi.

Unda Samarqand viloyati hokimi Erkin Turdimov, O'zbekiston Respublikasi Yoshlar siyosati va sport vazirining o'rinbosari SHahrullo Mahmudov, Osiyo eshkak eshish federaciyasi, Milliy Paralimpiya qo'mitasi, mamlakat Rowing&Canoe federaciyasi mutasaddilari ishtirok etishdi. Tadbirda so'z olgan rasmiylar mamlakatimiz tomonidan musobaqaga katta tayyorgarlik ko'rilgani, mehmonlar uchun barcha sharoitlar yaratilgani xususida alohida to'xtalib o'tishdi.

Reglamentga ko'ra, bugundan bellashuvlar boshlanadi. Musobaqani 23 yoshlgacha bo'lgan baydarkachilarning saralash bahslari ochib beradi.