Samarqandda nuroniylar o'rtasida musobaqa o'tkazildi FOTO

Samarqand viloyat sport faxriylari Kengashi tashabbusi bilan viloyat hokimligi, jismoniy tarbiya sport boshqarmasi, “Nuroniy”, “Mahalla”, “Sog'lom avlod” jamg'armalarining homiyligida o'tkazilgan musobaqada tuman (shahar)lardan 100 nafarga yaqin nuroniy otaxon va onaxonlar ishtirok etishdi.

Musobaqada yugurish va basketbol to'pini savatga tashlash bo'yicha nuroniy onaxonlardan 56-60 yoshlilari o'rtasida Diloram Eshmanova (Bulung'ur tumani), 61-65 yoshlilar o'rtasida Noila Sohibova(Bulung'ur tumani) va 66-70 yoshlilari o'rtasida Muhayyo Rahmatova (Jomboy tumani), sportning shaxmat turi bo'yicha nuroniy onaxonlar o'rtasida Muharram Eshpo'latova (Urgut tumani)lar g'olib bo'lishdi.

Nuroniy otaxonlardan esa 61-65 yoshlilar o'rtasida Baxtiyor Hasanov (Bulung'ur tumani), 66-70 yoshlilar o'rtasida Salom Kamolov (Ishtixon tumani), 76-80 yoshlilar o'rtasida Ubaydulla Qosimov (Samarqand shahri) va 86-90 yoshlilar o'rtasida Temurbobo Mansurov(Samarqand shahri), sportning shaxmat turi bo'yicha nuroniy otaxonlar o'rtasida Ibrohim Rahimov (Urgut tumani) lar g'olib bo'lib “Sog'-tanda sog'lom-aql” grantining qimmatbaho sovg'alari bilan taqdirlandilar.

Tadbir so'ngida musobaqa ishtirokchilar uchun bayram dasturxoni yozildi.