Samarqandda Osiyo chempionati yakunlandi + FOTO

Ikkinchi kungi bahslarda ishtirokchilar 10 kilometr masofaga suzishda sovrinli o'rinlar uchun kurash olib borishdi. Ananaga ko'ra, birinchi bo'lib startga erkaklar chiqishdi. Mazkur musobaqada jami 21 nafar sportchi bahslarga kirishdilar. Ular orasidan uch nafar sportchimiz – Abdujalil Abdug'aniev, Nikita Kornilov va Bekmurod Kenjaev o'rin egallashdi.

Qizg'in kechgan bahslarning yakunlariga ko'ra birinchi bo'lib marraga yaponiyalik Taishin Minamide etib keldi. U belgilangan masofani 1 soatu 58 daqiqa 21.2 soniyada suzib o'tdi. Kumush medalni Xitoy Taypeyi vakili CHo CHeng CHi (1 soat 58 daqiqa 21.5 soniya) qo'lga kiritgan bo'lsa, kuchli uchlikka kunchiqar yurtning yana bir sportchisi Taiki Nonaka yakun yasadi. O'n kilometr masofani u 1 soatu 58 daqiqa 35.8 soniyada suzib o'tdi.

Hamyurtlarimiz orasida eng yaxshi ko'rsatkichga Nikita Kornilov erishdi. Iqtidorli sportchimiz belgilangan masofani 2 soatu 20 daqiqa 40 soniyada suzib o'tib, 13-natijani qayd etdi.

Xotin-qizlar o'rtasidagi musobaqalarda jami 15 nafar sportchi bahslarga kirishdi. Mazkur musobaqada eng yuqori natija (2 soatu 07 daqiqa 27.2 soniya)ni qayd etgan Xitoy Taypeyi vakilasi YU Ven Teng Osiyo chempionidek sharafli nomga sazovor bo'ldi

Taqdirlash marosimida Osiyo suzish federaciyasi Bosh kotibi Taxa Al-Kishri, O'zbekiston sportni rivojlantirish vazirining o'rinbosari SHahrullo Mahmudov, O'zbekiston suzish federaciyasi rahbariyati ishtirok etishdi.

SHu tariqa, ochiq suv havzasida suzish bo'yicha X Osiyo chempionati bahslari yakunlandi.