11 iyu 13:54
Yangiliklar

Boshqalar

Samarqandda qo'l jangi bo'yicha g'olibga 2000 dollar vada qilingan ilk xalqaro turnir o'tkaziladi

15 iyun kuni Samarqand shahridagi “Mo'jiza” amfiteatrida qo'l jangining professional R-1 yo'nalishi bo'yicha ilk marotaba xalqaro turnir bo'lib o'tadi.

Qoidaga ko'ra, musobaqa ishtirokchilari jangdan oldin, 14 iyun kuni viloyat musiqali drama teatri oldidagi sahnada yuzma-yuz uchrashadi va tarozidan o'tishadi. Dasturdagi asosiy va reyting janglarida Rossiya, Qirg'iziston, Tojikiston, Ozarbayjon, AQSH va O'zbekiston qo'l jangi ustalari qatnashadi.

Asosiy jang g'olibi 2000, ikkinchi o'rinni egallagan sportchi 1000 AQSH dollariga ega bo'ladi. Reyting janglari g'oliblariga 1000, ikkinchi o'rin sohiblariga 500 dollar ajratilgan.

Malumot o'rnida aytib o'tish joiz, kunning asosiy jangi ishtirokchilari - o'zbekistonlik Jahongir Jumaev va rossiyalik Magomed Ibragimov avval ham, Moskvada bo'lib o'tgan turnirning match-revansh yo'nalishida to'qnash kelishgan. O'sha jangda Jahongirning qo'li baland kelgan edi.

Ro'yxatdan o'tgan 12 professional sportchidan 5 nafari O'zbekiston vakillaridir.